- ຄວາມຫວັງແມ່
ຊິວິດຄົນຫຼົງໄຫຼລົ້ມ
ຈົມນຳແຕ່ຄວາມຊື່ນ
ທຸກຄໍ່າຄືນ ບືນທ່ຽວຫຼິ້ນ
ສະແຫວງເຊີ່ງ ແຕ່ບ່ອນໄປ
ບ່ອນໃດມີງານເຂົ້າ ເຂົາກໍ່ພາກັນມ່ວນ
ສຽງເຊີນຊວນຊົ່ວແຊ້ວ ແນວນັ້ັນເພິ່ນມັກຫຼາຍ
ທັງຜູ້ຍິງຊາຍພ້ອມ ຊອນກັນໄປເປັນຄູ່
ສຽງກູແກຢອກເວົ້າ ອວນເຈົ້າກ່າວໄປ
ບໍ່ນຳໄລນຳຊ້ຳ ການຮຽນເພິ່ນປະປ່ອຍ
ຄອຍແຕ່ເງິນສົ່ງໃຫ້
ບໍ່ມີໃຊ້ດອກຄ່າເທີມ
ເຕີມແຕ່ຄວາມສຸກເຂົ້າ ເອົາກັນໄປທ່ຽວ
ຫຼຽວເບິ່ງແມ່ຢູ່ບ້ານ ສົ່ງເສຍເຈົ້າໜ້າບໍ່ອາຍ
ເພິ່ນໄດ້ໄປຂາຍຊື້ ມຶຖືບ່າກໍ່ຫາບ
ຍາກເທົ່າໃດບໍ່ໄດ້ເວົ້າ ສອງເຖົ້າເພິ່ນກົ່ນຫາ
ຝູງໝູ່ປູປານ້ຳ ຫາເອົາບໍ່ໄດ້ຂາດ
ຜັກກາດຫົວ ຜັກບົວພ້ອມຂາຍໃຫ້ສົ່ງລູກຮຽນ
ເພິ່ນພັດພຽນແຕ່ນຳຫຼີ້ນ ຫົວໃຈວິນປານໝາກຄ່າງ
ທາງພໍ່ແມ່ຢູ່ບ້ານ ບໍ່ມີເວົ້າຈົ່ມຫາ
ສຽງເພິ່ນວາຈາເວົ້າ ອວດໂຕໂອ້ອົ່ງ
ເງິນໃນຖົງແມ່ສົ່ງໃຫ້ ເອົາໄປໃຊ້ບໍ່ແມ່ນທາງ
ພໍ່ແມ່ວາງໃຈລ້ຳ ນຳລູກສາວວ່າຮຽນເກັ່ງ
ທາງລູກສາວພັດເດັ້ງ ເສັງເຂົ້າເທັກບາ
ພາກັນໄປshopping ຊີງນຳແຕ່ຄວາມມ່ວນ
ເງິນຂາຍສວນທີໄດ້ ໝົດຈ້ອຍຄ່າບໍ່ມີ
ມັນຫາກເປັນຈັ່ງຊີ້ ຕາມຍຸກຫຼືສະໄໝ
ຫຼືຕາມໃຈຕົວເອງ ເກັ່ງຫຼາຍແນວນັ້ນ
ມັນບໍ່ມີສຸດສີ້ນ ນຳກິນນຳທ່ຽວ
ປຽບດັ່ງມົດໄຕ່ຂອບດົງ ວຽນແລ້ວກໍ່ເລົ່າເລີງ ຫັນແລ້ວ
ຖ້າໃຜເປັນແນວນັ້ນ ຮຽກວ່າຜິດຫຼາຍ
ບໍ່ເຫັນຄຸນຕາຢາຍ ຜູ້ເພິ່ນຂາຍຄວາຍຕູ້
ຫຼຽວເບິ່ງໝູໃນຄອກ ແມວໝາກາໄກ່
ຂາຍໃຫ້ໝົດຂ້ອນຫຼ້ອນ ຂອງກິນພ້ອມແມ່ສົ່ງແຖມ
ຫັນດາຍເພິ່ນບໍ່ເສຍດາຍແທ້ ແນວໃດກໍ່ຂາຍສົ່ງ
ເພາະເພິ່ນຫັວງເພິ່ງຜູ້
ຕົວເຮົາທີ່ຮຽນຮໍ່າ
ຄວາມສຳລານບາດທ້າຍ ເຫັນເຈົ້າຮັ່ງມີ
ພໍໄວ້ພຽງທໍ່ນີ້ ບໍ່ຢາກກ່າວໄປຫຼາຍ
ໃຫ້ຄິດອາຍຕົວເອງ ຫາກທ່ານເປັນແນວນັ້ນ
ໃຫ້ທ່ານຫັນຫົວຕັ້ງ ໃນການຮຽນຮໍ່າ
ນຳເອົາຄວາມຮູ້ເຈົ້າ ເມື່ອຕ້ອນພໍ່ແມ່ຄີງ ນັ້ນເດີ
ຫາກຂ້ອຍເຜີເລີເວົ້າ ໃນຄຳອັນບໍ່ແມ່ນ
ແສນວ່າຄວາມຮູ້ໜ້ອຍ ເອົາແທ້ແຕ່ຊິຈາ
ຂໍຄະມານຳທຸກທ່ານ ຜູ້ອ່ານທັງຫຼາຍ
ໃນຈຸຸດໝາຍຂອງຄຳກອນ ບອກສອນໃຫ້ເຫັນຮູ້
ຜູ້ແຕ່ງ ບໍ່ໄດ້ໝາຍເຖິງຜູ້ ປະຈານໃຜຈັກຢ່າງ
ທາງຄຳກອນພຽງແຕ່ງເວົ້າ ຂໍ່ເຈົ້າຢ່າຖື ນັ້ນທ້ອນ
No comments:
Post a Comment